...Miss..ing...You...

...Miss..ing...You...

Na jaane kaun si uljhan
Na jaane kaun sa bandhan
Ke jiske paar jaane se bhi
Darta hai mera ye mann..

Ye baate nayi puraani hain
Kahin koi kahaani hai
Hai mera ek hi matlab 
Tere sang jindagani hai..

Lagaa lo dubkiya kitni bhi 
Tum is prem ki ganga me
Ye behta hai jo gangajal 
Meri aankho kaa paani hai...

Ho sakta hai mere alfaaz me 
Nazar aa jaaye tumko dard
Jahan tak mujhko maalom hai
Sukoon meri nishaani hai...


Niks-d
:( 
Nitin Chaurasiya

Dard Tera Kam Ho Jaayega...

Dard Tera Kam Ho Jaayega...

Dard tera kam ho jayega

Dozakh jannat ho jayega

Tujhko mujrim kahne wala

Kal ko shooli chadhh jaega

Tu apni manjil ko badh

Rasta khud hi ban jayega

Raub dikhane walo ka sir 

Tere aage jhuk jayega

Pyar se jeeto nafrat ko

Andhiyaare ko ujaale se

Sona-peetal ki chamak me hai

Jo antar wo dikh jayega

Saakh se kaliyan chunne walo 

Saavdhan tum ho jaao

Door nahi hai din wo jab 

Poora chaman ujad jaayega

Fazr-Zuhr-Asar

Isha aur Magrib tujhse

Tera jo deedaar hua

Nazar Khuda bhi aa jaayega

Dard tera kam ho jaaega

Dozakh jannat ho jaayega

Tujhko mujrim kahne wala

Kal ko shooli chaddh jaayega

-Niks-d

https://www.facebook.com/nchaurasiya1

https://www.facebook.com/JaneKisModPar

Baat aesi karo ...

* inext Allahabad संस्करण में  २७ अक्टूबर २०१४ को Blogosphere में प्रकाशित *

Baat aesi karo

Baarish hone lage

Dhoop Jeevan ki tanha ab sahi jati nahi...

Dekhta rahta hun

Aasmaan ki taraf

Chaand ab raat bhar nazar aata nahi...

Band aankhe hain par

Neend ojhal kahin

Khwaab itne ki palko se jaate nahi...

Main din bhar

Akela hi chalta raha

Apni manzil ka hai ab thikana nahi...

Koi baitha hua

Mujhko dekha kiye

Par mere sath ab bhi wo aata nahi...

Khushiyo me meri

Roj aate rahe sab

Par koi bhi khushi se kyun milta nahi...

Meri takleefo me

Gham ko jo baanta kare

Koi aesa kahin kyun hai milta nahi...

Har ek pal me mere

Jo rahe sang mere

Aesa hamraah koi kyun milta nahi...

Baat aesi karo

Baarish hone lage

Dhoop Jeevan ki tanha ab sahi jati nahi...

Niks-d

https://www.facebook.com/nchaurasiya1

https://www.facebook.com/JaneKisModPar

Koi

koi har dard par kahta hai mujhe marham ki jaroorat hai...
koi chupchaap har ek dard saari umar sehta hai..
koi har pal batata hai tumhe main yaad karti hu...
koi chupchaap uski yaad me aansu bahata hai...
koi har baat par beete huye pal ko sahejati hai...
koi hai patthar dil jo har ek pal ko bhul jata hai..
koi deewanagi me khoya har pal khud pe hansta hai..
koi maasoom hai kismat par jo aansoo bahati hai...


Nitin Chaurasiya